अवधी घनाक्षरी

ओपन बुक्स ऑनलाइन, चित्र से काव्य तक छंदोत्सव, अंक-२५ में मेरी रचना

(चित्र ओबीओ/गूगल से साभार)

सिखावा रे हमहूं का, अइसा जतन कछु

हम होइ जाई अब, पास ई भरती मा।

मोट ताज लोग सब, आय तो इहां बाटेन

कइसे होइ पइबै, पास ई भरती मा।

जाने किता चैंाड़ चाहे, सीना पुलिस खातिर

थक गय फुलाय के, छाती ई भरती मा।

तनि गय शरीर ई, तीर कमान जइसे

तबहूं न ई भइले, खुश ई भरती मा।

राम जाने कौन गति, होइहै हमार इहां

धुपवा झुराय डारे, तन ई भरती मा।

नाप जोख करै वाले, सब ई मोटान अहां

भूलि गयन आपन, दिन ई भरती मा।

                      - बृजेश नीरज

जतन = तरीका

इहां = यहां

बाटेन = हैं

पइबै = पाएंगे

किता = कितना

धुपवा = धूप ने

झुराय = सूखना

डारे = डाला