नशा

कइस हुइ गयल फैशनवा राम

नशा मा डूबा जमनवा राम

घरै क सुधि नाहीं

झूमै मगन हुई

साकी से नेहा

पत्नी बिसरि गई

लरिका हुइ गय बेगनवा राम

नशा………….

बोतल मा खुद का

ई डुबाय दीन्ही

पइसा कौड़ी सब

ई लुटाय दीन्ही

दर दर भटिकै इ मनुजवा राम

नशा……………………..

गटक जब लीन्हा

तौ सिर चढ़ बोलै

रोवै मुस्काए

अउ बर बर बोलै

नागिन स लहिरे बदनवा राम

नशा………………….

पहिले तो सबका

बहुत नीक लागै

ई सगरी दुनिया

बहुत फीक लागै

ई तौ निगल गयी तनवा राम

नशा……………………..